اليوم كلامنا عن الجزء الجديد للعبة، ولاهو جزء جديد وبس. EA اشترت اللعبة بعد ما سواها مطوّر مستقل وطوّرتها والأن بتنزل اللعبة على الأجهزة المنزلية بشكلها الجديد.
قبل لا نتكّلم عن اللعبة، خلونا نلقي نظرة ثانية على العرض الفكاهي للعبة:
فكرة اللعبة جديدة وتحتاج شرح. اللي جرّب الجزء القديم للعبة راح يعرف ان اللعبة أساساً نظامها دفاع عن القاعدة “tower defense” بمعنى ان عندك مكان معيّن، ولك وقت محدد تحط فيه دفاعاتك، والعدو يوصلك على شكل هجمات ورا بعض. فكرة معروفة في كثير من الألعاب ولكن مع بلانتس فيرسز زومبيز كانت ممتعة جداً.
المرّة هذي اللعبة قفزت قفزة كبيرة ووصلت للأجهزة المنزلية بشكل جديد، اللعبة صارت لعبة تصويب منظور شخص ثالث، وتعاوني! بمعنى انك الأن صرت تختار النباتات وتلعب فيها، وكل نبتة لها قدرات وأسلحة مختلفة. مثلاُ تبّاع الشمس معه سلاح أشبه بالرشاش، والصبّار معه سنايبر، ونبتة شكلها غريب عندها القدرة انها تختفي تحت الأرض وتبلع الزومبيز. وكل نبته لها حركه قويه تقدر تستخدمها اذا ثبّتت نفسها بالارض، بس عيبها طبعا ان وقتها ما تقدر تتحرك. مساكين هالزومبيز وين ما راحوا مهزومين.
طبعاً أساسيات اللعبة لا زالت موجودة، فيه عندك حافظة نبتات تقدر تحط فيها نبتة وهي تدافع عن المكان بشكل تلقائي، أو تقدر تحط نبتة ثانية تعالج اللي حولها من النبتات، وهكذا. فكرة ممتازة جداً وحمستني للعبة.
بتنزل اللعبة في خريف 2014 على Xbox360 و Xbox One، ولاحقاً على البي سي و “باقي الأجهزة”.
0 التعليقات:
إرسال تعليق